O presente proxecto de investigación pretende estudar de xeito exhaustivo e rigoroso a ópera La Regenta. Esta ópera, da compositora Marisa Manchado Torres con libreto da filósofa Amelia Valcárcel Bernaldo de Quirós, está baseada na novela homónima de Leopoldo Alas Clarín. Para este propósito, será precisa unha investigación interdisciplinaria, que situará o seu foco de atención principal na partitura e máis específicamente, na interacción entre o libreto da ópera e a súa música, coa finalidade de examinar o grao de excelencia da obra e comprender o seu significado último para, en base a iso, poder reflexionar respecto doutras cuestións culturais, sociais, etc. que condicionan a participación real das mulleres no mundo da creación musical e colaborar deste modo en achegar ao obxectivismo ético e moral o canon musical tendencioso existente hogano.