Os primeiros anos do século XV, o conflito sucesorio trala morte de Enrique III de Castela, a pugna polo control da raíña rexente Catalina de Lancaster e os conflitos xerados pola ambición da nobreza serven de punto de partida argumental para o drama Fernando el de Antequera, que Ventura de la Vega escribe en plena década moderada e durante a segunda Guerra Carlista. O propósito da miña investigación será a análise deste texto no seu contexto, así coma a súa edición (non foi reeditado dende a súa primeira impresión) a partir dos parámetros da crítica textual.