O principal obxectivo de estudo será a investigación dos mecanismos que relacionan á literatura con outras linguaxes artísticas e en especial co cinema. A través dunha metodoloxía baseada no método comparativo semiótico-textual, e tras unha selección xustificada de determinadas obras que resulten interesantes para a análise, levarase a cabo un estudo teórico que permita desenvolver unha parte práctica de aplicación a exemplos determinados. As principais obras pertencen á literatura infantil e xuvenil e á súa transmedialización fílmica, pero deixando campo aberto de estudo a calquera outra manifestación que poida ser de interese.